Gadan an sarong babae makalihis mabanggaan nin truck sa President Roxas, Cotabato.
Nakalunad sa motorsiklo an biktima kan magprobar ining mag-overtake sa dumptruck alagad aksidente ining nabanggaan kan sinundan na truck.
Dae nakapreno an driver kun kaya nabunggo kaini an biktima.
Tulos man na idinalagan sa ospital an babae alagad dae na nakaligtas.
Sa ngunian, nagtitinir na sa kustodiya kan President Roxas Municipal Police Station an driver kan truck mantang nagpapadagos an imbestigasyon.
