Patay ang isang babae matapos barilin sa ulo ng isang lalaking nakasunod sa kanya habang naglalakad sa Barangay Cupang, Antipolo City.
Kinilala ang biktima bilang alyas “Camille”, legal na edad, residente ng Marikina City.
Hindi pa nakikilala ang gunman at ang kanyang kasama, na tumakas matapos ang krimen.
Base sa impormasyon ng pulisya, maaaring may kaugnayan sa ilegal na droga ang motibo.
Tumanggi umano ang biktima na bumili ng ilegal na droga at ininsulto ang mga suspek.
Nang pauwi na siya, sinundan siya ng mga suspek at binaril.
