LEGAZPI CITY-Pig-eenganyar kan sarong grupo an mga indibidwal na makisumaro sa padagos na ‘Friday Protest’ laban sa kurapsyon sa manlain-lain na lugar sa nacion.
Segun kay August Twenty One Movement President Volt Bohol, sa intrevista kan Bombo Radyo Legazpi, na huli sa matrayumpong pagsasagibo kan enot na “Friday Protest” an dapat importanteng magpadagos pa ini sa enterong mga lugar sa nacion.
Afuera sa August Twenty One Movement, kadakol suboot an nakisumaro digdi kairiba na an mga listahan kan manlainlain na probinsya, mga estudyante, magin an Philippine National Police sa nasyunal na lebel.
Nagkondusir man suboot nin mga programa kun sain inatendiran kan mga grupo kaiba na an Akbayan, mga Padi na kasabay sa Trillion Peso March, asin iba pa.
Kasunod kaini, pig-eenganyar man kan grupo na makisaro sa pagrepresentar asin pagkondina sa nangyayaring kurapsyon sa nacion huli sa bako dapat sana ini sa sarong lugar, magin dapat na pigsasagibo man kan mga indibidwal sa ibang parte kan nacion.
Dugang pa ni Bohol na bako na ini bago, kun kaya importante na dai mawaran nin paglaom an mga Pilipino mapadapit sa nagpapadagos na imbestigasyon.
Sinabi pa niya na saro ining pagirumdom ngani makumbinse an iba pang Pilipino na magsagibo nin paagi ngani madoble an mga numero kan mga nakikisumaro sa mga protesta.
Mas magigin malala suboot ini enkaso dai mag-alma an tawo na dakulang parte para sa pagbabago ngani madangog kan gobierno asin magkaigwa nin paglaom na mabago man an saindang mga desisyon.
