Hinagad ni Atty. Israelito Torreon sa Department of Justice (DOJ) na ibasura an kasong obstruction of justice laban saiya na isinunad kan Philippine National Police-Criminal Investigation and Detection Group (PNP-CIDG).
An reklamo an katakod kan pagporbar na pag-arestar kan 2024 ki Pastor Apollo Quiboloy, lider kan Kingdom of Jesus Christ (KOJC).
Sa saiyang counter-affidavit na isinumiter kan Biyernes, Enero 23, sinabi ni Torreon na naghiro sana siya alinsunod sa saiyang mandato bilang abogado kan pulisya, kan Agosto 24, 2024 sa compound kan KOJC sa Davao City.
Segun saiya, an saiyang aksyon an nganing protehiran an saiyang kliyente asin masierto an publiko sa laog kan compound.
Binanggit man niya an timing kan reklamo bilang sarong isyu. Segun sa abogado, ini an isinunad sana makalihis ma-dismiss ang mga naenot na kaso laban saiya.
Magigiromdomang isinunad kan PNP-CIDG an reklamo kan Disyembre 2025, na nag-aakusar ki Torreon na pagbalgar sa Presidential Decree No. 1829, na tumutukoy sa obstruction of the apprehension and prosecution of criminal offenders, katakod kan saiyang aksyon kan pagporbar na arestaron si Quiboloy.
Si Quiboloy an presenteng nakakarsel sa Pasig City Jail, asin nahahamapang sa hiwalay na kaso kan suboot human trafficking asin child abuse.
