Dae maipaliwanag an misteryosong pagkagadan kan sarong aking lalaki sa Barangay Butilen, Mother Kabuntalan, Maguindanao del Norte.
Nagkawsa kaya nin matinding pagkahadit sa komunidad makalihis ining i-konektar kan mga residente sa pinagtutubudan na aswang.
Segun sa lolo kan biktima na nagimata sinda sa maribok paghibi kan biktima, na nag-iitom na an kolor kan duwang hita asin nadidifisilan sa paghangos.
Narisa man an tulong maitom na anino na garing paparayo suboot sa saindang harong.
Kan inspeksyunon an palibot, nadiskubre kan pamilya an mga bakas nin garing halabang mga kuko harani sa saindang harong.
Sinabi man kan lolo na namatean ninda na igwang makusog na pagbagsak sa saindang bubong antes dagos na bawian nin buhay an aki.
Napag-araman na nagkapirang mga kaakian man sa komunidad an biglaan na nagsusuka, rason ngani na magluwas an mga pag-oolay na posibleng may kinaaraman ini sa misteryosong insidente.
Sa presente, padagos man na pig-iimbestigaran kan mga otoridad an kawsa kan pagkagadan kan nasabing aki.
