LEGAZPI CITY- Kinabibiliban ngonyan sa social media an sarong Bicolano artist sa paglunsar nin “Art for a Cause” nganing makatabang sa mga eskwelahan na nasa lended learning scheme.
Nagclamar nin magagayon na komento si Sheila Brobio sa mga paper portraits na ipigbabalyo nin ream nin bond paper asin ipigdodonar sa mga eskwelahan para sa pag-imprenta kan mga modules sa pagklase.
Sinabi ni Brobio, tubong Tabaco City sa intrevista kan Bombo Radyo Legazpi, nahiling niya an kadificilan na pinag-aagihan kan mga paratukdo sa obhetong makainukod an mga estudyante dawa nasa pandemic.
Kulang man an fondo sa pag-imprenta kan modules kaya napagdesisyunan an paglunsar sa ”Paper Portrait in Exchange of Bond Paper” Project.
Segun ki Brobio, aram niya kun gurano kaimportante an bond paper huli ta may mga aki man na nag-aadal.
Mensahe man kaini sa mga estudyante na dai pagsayangon an pinagpagalan kan mga paratukdo asin siertuhon na pag-adalan nin maray an mga mareresibeng modules.
Afuera sa paper portrait, nagigibo man si Brobio nin mga leaf arts na may nagbabakal maski mga taga-ibang nasyon. (With report from Bombo JJ Malate)
