Naka-standby na suboot an arrest team enkaso dagos nang ipa-aresto an nagkapirang senador na imbuelto sa flood control scandal, segun ki Ombudsman Jesus Crispin “Boying” Remulla.
Ginibo ni Remulla an pahayag, kasunod kan suboot pagbabago kan liderato sa Senado.
Segun ki Remulla, dae dapat ikahandal ni Senate President Vicente Sotto III hale grupo nin mga senador na suboot imbwelto sa saro pang pagporbar na kudeta huli ta suboot madali nang madakop an nagkapira sa mga ini na dati nang imbwelto sa eskandalo na nabuyagyag.
Sa ibong kan dae pinangaranan ni Remulla an mga senador na saiyang pigtutukoy, magigirumdumang nagkapirang miembros kan minority an kabali sa enot na draft report kan Senate Blue Ribbon Committee, arog ninda Senador Joel Villanueva, Sen.Jinggoy Estrada asin Sen.Francis Escudero.
An tolo pig-iimbestigaran man kan Department of Justice huli sa kaparehong isyu.
Enot nang inarestar si dating Sen. Ramon ‘Bong’ Revilla Jr. huli sa suboot pag-ako nin kickbacks sa nagkapirang proyekto sa infrastructure project kan siya an senador pa.
