Inengganyar kan Office of the Prosecutor kan International Criminal Court (ICC) an Appeals Chamber na ibasura an apela kan lado ni dating Presidente Rodrigo Duterte para sa saiyang interim release.
Sa saindang simbag na isinapubliko sa website kan ICC kan Biyernes, Oktubre 31, ipigdoon kan Prosecution na bigong patunayan kan depensa na may “legal o factual error” sa desisyon kan Pre-Trial Chamber I na ipagpadagos an pagkakadetine ni Duterte.
Magigiromdoman kan Setyembre 26, ibinasura kan Pre-Trial Chamber I an kahagadan ni Duterte na makalibre paramientras, nganing masierto na mahampang siya sa paglilitis, dae makakaapektar sa imbestigasyon o proseso kan korte, asin dae na liwat na makakagibo nin krimen.
Nanindugan an Prosecution na dapat dagos nang ibasura kan Appeals Chamber ang apela asin panatilihin an desisyon na magtenir si Duterte sa The Hague, Netherlands, mantang pigkakahampang an mga kasong crimes against humanity katakod kan war on drugs.
