LEGAZPI CITY – Klinarificar kan Albay Power and Energy Corporation (APEC) na warang bayad an pagpa-reconnect kan linya kan mga kuryente na naputol huli sa Bagyong Tisoy.
Ipigluwas kan power firm an patanid makalihis na nagkapirang consumidores an nagdulok sa oficina asin nagreklamo sa paniningil kan mga pribadong indibidwal tangarig na maikonektar giraray an linya.
Segun ki APEC spokesperson Patricia Gutierrez sa intrevista kan Bombo Radyo Legazpi, dae nunca sinda nag-otorisa sa siisay man na personahes na mag-ako nin bayad para sa reconnection.
Abiso pa ni Gutierrez na magin maigmat, hagadan nin identification cards, kuwaon an pangaran asin picture-an asin ireport sa oficina kun maka-enkwentro kan kaparehong sitwasyon.
Posible kayang maikaag pa sa pelligro o mauli sa malain na insidente an bako otorisadong pagkapot kan mga ini kan linya kan kuryente kun en caso.
Mientras tanto, napag-araman na langkaban an siring na gibo sa Area 2 kan APEC.
