LEGAZPI CITY- (Update) Naisangat na an magkakanigong kasong kakahampangon kan apat na pinagtutubudang miyembro kan New People’s Army o NPA na suspek sa pambabadil-gadan sa duwang parasisira sa Sitio Colorado, Brgy. Tigbaw, banwaan kan Aroroy, Masbate.
Sa intrevista kan Bombo Radyo ki PC/Insp. Ariel Neri, hepe kan Aroroy MPS, nanotaran na suboot an presensya kan mga ini sa nasambit na lugar antes pa man an insidente na segun naman sa mga saksi sa krimen.
Magigirumduman na Sabadong aga kan sinakyada an magtugang na biktima na nabistong sinda Rodolfo asin Armando Villarin.
Mientras tanto, bako pa klarado an motibo sa insidente nin pambabadil sa dating miembro kan Philippine army na nabistong si Jimmy Velasco kaibanan an backrider alagad dakol na anggulo na an pigtutukan kan hepatura.
Nag-request na man ini kan CCTV footages sa mga pagtaraid na establisyemento tangarig magin tabang sa pagresolber sa kaso kun saen dae pa nabibisto an mga nasa likod kan krimen.
