LEGAZPI CITY – Karsel an bagsak kan sarong ama makalihis na maarestar kan mga otoridad huli sa akusasyon nin sekswal na pang-aabuso sa saiyang apat na aki.
Segun sa impormasyon, ipigkondusir an operasyon kan pinagsarong pwersa kan Masbate City Police Station, City Social Worker and Development, kaibanan an mga opisyal kan Batuhan Elementary School.
Pigtataram na piglulugusan kan nasambitan na suspek an saiyang apat na menor de edad na aki na nasa edad 15-anyos, 13-anyos, 10-anyos asin 5-anyos.
Matrayumpo man na na-rescue an mga biktima na nasa pangangataman ngunyan kan “Balay Pasirungan” sa Brgy. Pating.
Mientrastanto, nakadetine na ngunyan an nasambitan na suspek sa hepatura kan Masbate City Police Station para sa magkakanigong disposisyon.
