LEGAZPI CITY — Nagtetenir pa sa ospital sa presente an apat na biktima makalihis an pambabadil kan mga dae pa nabibistong suspek sa laog kan sarong videoke bar sa banwaan kan Polangui, Albay kasubagong alas-2:30 nin maagahon.
Irido sa nasabing insidente an mag-agom na sinda Marlon asin Milagros Robrigado na kagsadiri kan videoke bar asin duwa pang kustomer na binistong sinda Sandy Bagasala, 32-anyos asin sarong “Emil”.
Sa ekslusibong intrevista kan Bombo Radyo Legazpi ki PC/Insp. Norlando Mesa, hepe kan Polangui Municipal Police, duwang lalaki suboot an nagduman sa bar sa Brgy. Quinale kun sain sa luwas pa sana, nagpaputok na an mga ini kan dae pa madeterminaran na kalibre nin badil.
Naglaog pa an saro sa mga ini asin warang habas na nagpaputok rason tangarig na magdurulag an iba pang kustomer alagad tinamaan nin bala sa manlain-lain na parte kan lawas an mga nasabing biktima.
Pighihiling na mayor na target kan mga suspek an kagsadiri kan bar alagad dae pa man nakakaolay kan imbestigador an mga biktima para sa nasabing anggulo.
Sa presente, nagpapadagos pa an follow-up investigation sa pagkakabisto kan mga suspek.
