LEGAZPI CITY-Mas pinahewas pa an hiro protesta sa Estados Unidos laban sa Immigration and Customs Enforcement (ICE) makalihis an pagkagadan kan sarong babayi sa Minneapolis.
Pigmamawot kan mga protesters na tanggalon an federal immigration authorities sa saindang komunidad.
Poon sa New York, Washington DC, El Paso asin Boston, nagkaigwa nin labi 1,000 katao na an nakisumaro sa hiro protesta.
Naggamit man nin pepper spray an mga otoridad laban sa mga protesters na nagporbar na magrani sa opisina kan ICE.
Sinabi man ni Homeland Security Secretary Kristi Noem na huli sa insidente, mas pigdugangan ninda an numero kan mga Customs and Border Patrol Officers na ipinadara sa Minneapolis.
Marurumduman na binadil hasta sa magadan an biktimang si Renee Good kan ini ulangan kan ICE officers kun sain depensa kan White House na nagporbar suboot na ligison kan biktima an mga otoridad.
