LEGAZPI CITY-Nagin matoninong an isinagibong rally sa provincia kan Sorsogon segun sa Police Provincial Office kan provincia.
Segun kay Sorsogon Police Provincial Office Police Major Arwin Destacamento, sa intrevista kan Bombo Radyo Legazpi, na nagin matoninong man an nagin rally kan mga grupo sa saindang capitol ground kun sain ipinaluwas ninda an saindang mga pangapudan sa isyu sa kurapsyon.
Nagkaigwa man suboot nin pagoolay sa lado kan polisya kan provincia asin kan mga myembro kan nasabing rally.
Pig-monitor man nindaan rally hasta sa pagtatapos kaini kun sain nasa 30 suboot an nakisumaro na mga myembro.
Dagdag pa ni Destacamento na igwa man na permit an mga raliyista asin aprubado man suboot ini.
Sinabi pa kan otoridad na nagin magayon an resulta kan rally sa saindang provincia asin wara man sindang namonitor na mga insidente asin karahasan.
Dai man suboot nagkulang an saindang himpilan na mag pagirumdom na mag-rally sa peaceful manner.
Nagpapasalamat man an opisyal huli sa nagin matoninong an rally sa saindang lugar asin naipadagos an saindang mga pangapudan sa matononing na paagi.
