LEGAZPI CITY- Nasa proseso na an pagdedeklarar na No Man’s Land kan 6-kilometer Permanent Danger Zone (PDZ) kan Bulkang Mayon sa Albay.
Sa intrevista kan Bombo Radyo Legazpi ki Office of the Civil Defense (OCD) Bicol Director Claudio Yucot, nadiskutir sa isinagibong Regional Disaster Risk Reduction and Management Council (RDDRMC) Full Council meeting na ibubukas na sana an nasabing area para sa turismo asin pag-ooma alagad bako na sa pag-istar.
Katakod kaini, naghahanap naman an mga concerned agencies nin viable settlement area para sa relokasyon kan mga residente.
Pighihiling kaya na mas mababawasan an gastos kan gobierno durante kan pag-aalburoto kan bulkan sa relokasyon kesa sa puro-pirming pag-evacuar.
Sa ibong na lado, nasa anom naman na government-funded Permanent Evacuation center an ipigko-construir sa bilog na rehiyon afuera pa sa mga pigpopondohan kan mga dayuhang nagtatabang.
Pighihiling man kan OCD an pagbusol sa evacuation sa mga covered courts na kakaganan sana nin mga dingding asin compliant sa mga regulasyon mantang magpapaotob man nin katakod na proyekto an Department of Social Welfare and Development (DSWD).
