LEGAZPI CITY—Pighayag kan state weather bureau na padagos na makakaapektar an northeast monsoon o amihan sa provincia kan Albay sa mga masunod pang limang aldaw.
Segun ki Weather Specialist Christian Allen Torrevillas, sa intrevista kan Bombo Radyo Legazpi, piglalaoman an strong to gale-force gusts o makusog na paros na may pagbugso antes sa Domingo, Enero 25.
Mantang piglalaoman man an moderate to strong na paros an maeeksperyensyahan sa Lunes, Enero 26.
Nagpatanid man an opisyal sa epekto kan kusog kan paros sa mga ipugbugang abo gikan sa Bulkang Mayon.
Mientrastanto, padagos man na pigbabantayan kan ahensya an low pressure area na presenteng nasa luwas kan Philippine Area of Responsibility, alagad hababa suboot an tsansa na kaini magin sarong bagyo.
