Ipigbuyagyag ni dating Senator Panfilo Lacson na nakaresibe siya nin impormasyon hali sa amigo niyang Filipino-Chinese na nag-ofresir suboot si dismissed Bamban, Tarlac Mayor Alice Guo nin P1 billion ngani na makalusot sa mga kontrobersiya na pigkakahampang kaini.
Pigtataran na ginibo an nasabing offer antes pa man magdulag si Guo sa Pilipinas kan Hulyo.
An nasabing kwarta an para suboot sa mga legal na problemang pigkakahampang ni Guo sa Presidential Anti-Organized Crime Commission.
Segun ki Lacson na an nasabing amigo niya an sarong dakulang negosyante na igwang mga transaksyon sa China asin igwang koneksyon sa nagkapirang darakulang personalidad.
Ngani na maprobaran man an saiyang claims, nagpahiling suboot ini nin ladawan ninda ni Guo na magkaibanan.
