Kinumpirmar kan Bureau of Jail Management and Penology (BJMP) na naresibe na kan warden kan Pasig City Jail an commitment order para sa pagbalyo kan dating alkalde kan Bamban, Tarlac na si Alice Guo sa Correctional Institution for Women (CIW) sa Mandaluyong.
Segun kay BJMP spokesperson Jail Supt. Jayrex Bustinera, pinunan na kan ahensya an preparasyon para sa medical asin laboratory examination ni Guo, sarong standard requirement antes maibalyo sa ibang pasilidad an siisay man na detainee.
Kapag nakakuwa na siya nin medical clearance, piglalaomang maisasagibo an paglilipat sa laog kan semanang ini.
Magigirumdumang binasura kan Pasig City Regional Trial Court Branch 167 an mosyon kan kampo ni Guo na magtenir sa Pasig City Jail Female Dormitory, imbes na ipadara sa CIW sa Mandaluyong.
Nahatulan si Guo sa kasong qualified human trafficking, sarong non-bailable offense na may magabat na padusa sa irarom kan ley kan Pilipinas.
 confirmed that the warden of Pasig City Jail has received the commitment order for the transfer of former Bamban, Tarlac mayor Alice Guo to the Correctional Institution for Women (CIW) in Mandaluyong.){kind=link}