LEGAZPI CITY-Liwat na makakahampang ni Pinay tennis star Alex Eala para sa sarong laban an pambato kan Croatia na si Donna Vekic
Gaganapon ini sa Kooyong Classic sa Melbourne, Australia.
Naenot na man na dinaog ni Eala si Vekic sa ASB Classic sa Auckland makalihis an makasaysayang comeback win sa score na 4-6, 6-4, 6-4.
An Kooyong Classic, sarong prestihiyosong invitational tournament na pigintrahan kan piling top players bilang paghahanda sa Australian Open.
Kaiba na digdi an dating world no. 5 na si Daniela Hantuchova, Australian bet Priscilla Hon, asin mga bigating men’s players kaiba si Alexander Zverev, Alexander Bublik, asin Nick Kyrgios.
Dakulang tsansa man ini para kay Eala ngani mas pakusugon an saiyang kawat bago an enot na pagsabak sa main draw kan Australian Open.
