Nakua kan Filipina tennis star na si Alex Eala ang kampeonato sa WTA 500 Mubadala D.C. Open makalihis daugon an world no. 3 na si Jessica Pegula sa final match.
Ini an enot na WTA Tour title ni Eala asin ini an pinakadakulang trayumpo sa saiyang karera sa tennis.
An saiyang kapangganahan an saiyang pagdepensa laban ki Pegula na nagdaog saiya sa semifinals kan 2025 Miami Open.
Nanggana si Pegula sa enot na set, 6-4, alagad nasuspinder an laban huli sa makusog na uran.
Sa pagpadagos kan kawat ngunyan na aga, nagbalik sa winning form si Eala asin dinaog si Pegula sa ikaduwang set, 6-4. Dinaog kaini an American player sa decider set, 6-0, nganing tulos na makua an titulo.
Antes makaabot sa championship match, dinaog kan Filipina tennis sensation ang dating world no. 1 asin four-time Grand Slam champion na si Naomi Osaka sa semifinals; siring man an world No. 10 na si Elina Svitolina, defending champion asin Filipino-Canadian na si Leylah Fernandez, magin an Olympic champion na si Qinwen Zheng sa mga naenot na rounds.
