Pumalag si dating presidential spokesperson Atty. Harry Roque sa isyung pigpapakiaraman suboot kaini an dalagan kan kaso ni dating Presidente Rodrigo Roa Duterte sa ICC.
Enot na nagsabog an isyu makalihis an nagin pahayag kan legal counsel ni Duterte na si Atty. Nicholas Kaufman sa sarong written interview.
Nabatid na pigtatrabaho suboot ni Roque na sunadan nin kaso an Dutch government huli sa pagkakarsel ni dating Presidente Rodrigo Roa Duterte sa The Hague, Netherlands.
Inapod pa ini kan abogado na “crazy scheme” huli an lakdang na ini an sierto sanang makakaribok sa kaso kan saindang kliyente.
Mas importante suboot na makipagkoordinar na sana sa Dutch Government imbes na sunadan ini nin kaso ngani paburan kan korte an saindang interim release request.
Paliwang man ni Roque, dae siya nakikiaram sa kaso kan dating Presidente o kaya nagluwas nin pahayag na makakaapektar sa legal strategy kan saindang legal team.
Siring man siya suboot kan ibang mga suportadores kan dating Presidente na mawot na makabalik na ini sa Pilipinas.
Sa ibong kaini sienerto ni Roque na magtetenir an saiyang suporta sa Legal Defense team kan dating Presidente.
