LEGAZPI CITY—Nagbilog nin sarong contingency plan an Albay Electric Cooperative, Inc. (ALECO) nganing ma-facilitate an salbado, timely, well-coordinated na preparasyon, response asin pag-restore kan suplay nin kuryente sa provincia en kaso may mga nairehistrong mga danyos huli sa bagyong Opong.
Segun ki Aleco Spokesperson Anj Galero, sa intrevista kan Bombo Radyo Legazpi, na sa presente preparado an saindang personahes sa padagos na pagtaong serbisyo sa mga miembro-konsomedores.
Nagkundusir na man an saindang ahensya nin tree pruning activities nganing malimitiran an aksidente o ano man na danyos sa saindang distribution facilities.
Mientrastanto, tinawan-doon man Galero na en kaso na pag-abot sa pag-restore kan kuryente saindang pigsusunod an typhoon recovery energization order kun saen may proseso sa kun anong lugar an susunodon kan saindang operasyon.
Abiso kan opisyal sa publiko na maglikay sa mga nahihiling na downed wires o naputol na linya nin kuryente sa mga tinampo siring man na i-report sa saindang opisina en kaso may nanutaran na naraot na poste nin kuryente huli sa delikado ini siring man nganing makaibitar sa ano man na aksidente.
