LEGAZPI CITY- Magkakaigwa nin paglangkaw sa singil sa kuryente sa provincia kan Albay para sa bulan nin Pebrero ngunyan na taong 2026.
Segun ki Albay Electric Cooperative spokesperson Anj Galero sa intrevista kan Bombo Radyo Legazpi na resulta ini kan paglangkaw man sa generation asin transmission charges.
Katakod kaini an power rates sa residential an nasa P 10.93 kada kWh.
An sa low voltage man an nasa P 9.95 asin an high voltage an nasa P 8.14 kada kWh para sa mainland rate.
Para man sa island rates an residential an magkakaigwa nin P 11.11 na singil kada kWh asin P 10.54 sa low voltage.
Katakod kaini, nangapudan man nin pagsabot an kooperatiba sa mga miyembros konsumidores.
