LEGAZPI CITY- All set na an preparasyon para sa isasgaibong Renewable Energy Summit sa provincia kan Albay sa Agosto.
Segun ki Provincial Planning and Development Office Head Arnold Onrubia sa intrevista kan Bombo Radyo Legazpi na sa presente padagos an pag-formulate kan renewable energy roadmap asin planong magpasiring na sa nagkapirang partikular na local government unit.
Ini an ngani na makapag tipon na nin data para sa planong pag-shift sa renewable energy kan Albay.
Napag-araman na sa isasagibong Renewable Energy Summit, nagkakaigwa nin registration fee para sa mga foreign asin local investors.
Sinabi ni Onrubia na pinaka obheto ninda na makakuwa nin investors na magko-commit kan pamumuhunan sa renewable energy sa provincia.
Ini an sa tahaw kan kadifisilan na pigkakahampang kan Albay sa suplay nin kuryente.
Maugma man an opisyal na dakol an nagpapahayag nin interes na makipag partisipar sa nasabing summit.
