LEGAZPI CITY – Nagkondusir nin conference asin simulation an mga kapulisan sa provincia kan Albay mapadapit sa 5 minutes response time kan mga kapulisan nganing maka-comply nin maray sa kasuguan ni Philippine National Police (PNP) Chief PGen. Nicolas Torre III.
Segun ki Albay Police Provincial Office Director Police Colonel Julius Añonuevo sa intrevista kan Bombo Radyo Legazpi na nahiling ninda an mga kakulangan asin lapses sa pagresponde sa laog nin limang minuto asin sainda na ining piggigibuhan nin remedyo.
Saro sa mga nahiling ninda iyo an deployment kan mga pulis sa ground urog nang dakula an Albay asin an kakulangan sa numero kan mga kapulisan sa provincia.
May mga pagkakataon man na nagkukulang sa oras urog na an pagresponde sa mga hararayo na mga lugar kun kaya kasuguan niya na dapat handa na an mga behikulo asin gamit na dadarahon nganing maparikas pa an pag-aksyon.
Pigtaram pa kan opisyal na pag-abot man sa komunikasyon an dae man sinda nagkaigwa nin problema alagad punto niya na kadakol pa man sa mga pulisya an naggagamit kan saindang mga cellphone nganing makapagkoordinar sana asin nagkakaigwa pa nin problema sa mga lugar na wara nin signal.
Kaipuhan man suboot na i-utilized an mga motor vehicle huli ta nahiling man ninda na nagkakaigwa nin delay an pagresponde kan mga kapulisan enkaso an police mobile an saindang piggagamit.
Kasuguan man kan saindang regional director na pagtuunan ninda nin pansin an tulong darakulang ciudad asin banwaan kan provincia arug kan Legazpi City, Ligao, Tabaco City asin Daraga.
Sa ibong kan mga problema an nahiling ni Añonuevo na sa kabilugan an kaya magresponde kan mga kapulisan sa provincia kan Albay na magresponde sa laog nin 5 minuto o mas amay pa.
 Chief PGen. Nicolas Torre III.){kind=link}