LEGAZPI CITY — Preparado na an Albay Police Provincial Office sa pagtatao nin seguridad sa pagbabalik eskwela kan mga aki sa bulan kan Hunyo.
Segun ki Pol. S/Insp. Manny Ramos, tagapagtaram kan Albay PNP, parte an Ligtas Balik Eskwela 2018 kan SumVac kun saen nakapagposte naman nin police assistance hub sa mga piling eskwelahan tangarig na magtao nin seguridad.
Igwa man nin initial PNP personnel sa mga sadit na eskwelahan alagad dae man matenir sa lugar huli ta makondusir man nin pag-patrol sa iba pang lugar.
Komon kayang pigti-take advantage kan mga suspek an matatawong lugar kun saen yaon man an presensya kan mga salisi, parahabas asin snatcher.
Kaipuhan man an security personnel tangarig na maibitaran an mararaot na pangyayari siring na sana kan pamomomba.
Afuera sa pagsierto kan seguridad, bukas man an pulisya na magtabang sa brigada eskwela siring na sana kan pagpintura asin iba pa en kasong maghagad nin tabang an mga eskwelahan.
