LEGAZPI CITY- Nakapagbarewas na an Albay Dairy Plant nin nasa 60, 996 nin pasteurized milk sa mga learner beneficiaries sa banwaan kan Camalig.
Ini an katakod kan kamawotan kan provincia na makapagtao nin mabaskog na gatas para sa mga kaakian.
Marurumduman na nagpuon an nasabing programa kan Enero 21 asin madurar hasta sa Marso 11.
Segun ki Albay Dairy Plant manager Engineer Ninivie Latigay sa intrevista kan Bombo Radyo Legazpi na positibo man an feedback kan mga paratukdo sa pagtatao nin mga pasteurized milk sa mga kaakian.
Paliwanag kaini na obheto kan aktibidad na matawan nin solusyon an problema sa malnutrisyon urog na sa mga estudyante sa elementarya.
Sinierto man kan opisyal na igwang proper storage para sa nasabing mga pasteurized milk ngani na maibitaran na maraot an nasabing mga produkto asin magdara nin huma sa salud kan mga kaakian.
Mientrastanto, sinabi ni Latigay na target ninda na mas mapahewas pa an programa asin masakop an iba pang mga banwaan sa provincia.
