LEGAZPI CITY — Nagin benepisyaro an anom na barangay asin 333 na residentes sa mga probinsya nin Albay asin Camarines Norte kan kabilugang P2.1 million livelihood packages na itinao kan Department of Labor and Employment (DOLE.)
Segun ki Raymond Escalante, tagapagtaram kan DOLE-Bicol, an pagdistribwir kan livelihood packages an parte kan Livelihood and Emergency Employment Program o DILEEP kan ahensya na nagtatao nin alternatibong trabaho sa mga piling benepisyaryo asin ngane na mahali an kadifisilan sa mga komunidad.
Sinabi man ni DOLE Bicol Director Ma. Karina Perida-Trayvilla na bako sana mga libreng mga bagay an saindang ipigtatao kundi an paglaom para sa bagong buhay asin bagong pagpupuon.
Sa probinsya kan Albay, 994 residentes sa Barangay Balogo sa banwaan kan Oas an natawanan nin P0.6-million livelihood grant hale sa ahensya.
Limang barangay man sa banwaan kan Labo sa Camarines Norte an nakaresibe nin P1.5-million na kantidad nin livelihood package na kumpwesto nin small hand tools, materyales asin ekipahe para sa 239 benepisyaryo.
