LEGAZPI CITY-Tinawan linaw kan Ako Bicol Partylist an suboot mga alegasyon mapadapit sa pagkawara kan scholarship kan nagkapirang estuyante kan Southern Luzon Technological College Foundation, Inc. (SLTCFI).
Segun kay Ako Bicol Partylist Rep. Alfredo A. Garbin sa intrevista kan Bombo Radyo Legazpi, na sa saindang polisiya an dai sinda nagkukuwa nin iskolar na warang downloaded funds o aprubadong pondo.
Dagdag pa niya na ini an saindang proseso sa nakalihis na 15 taon asin parte ini kan recruitment kun sain difisil suboot an pag-asumir na may papaabot na pondo alagad tulos na ma-recruit.
Dai man suboot maaapektaran kaini an mga naka-enroll na sa scholarship afuera sa mga fist year an pighahalat pa an aprubadong budget alagad sa ngonian an dai pa ini masisierto.
Pigsisierto man suboot ninda na aprubado muna an mga pondo bago mag-recruit nin mga iskolars.
Sa presente, an may katuyuhan man an partido na makapagtaong paagi ngani makapagtapos nin pag-aadal an mga iskolars asin piggigibo man suboot ninda an mga paagi ngani matabangan asin magkaigwa nin solusyon an mga estudyante.
Mensahe man kan opisyal sa gabos na dai basta magtubod sa mga post sa online asin pigsisierto man kan partido an gabos na paagi ngani makapagtaong scholarship program bilang parte ini kan saindang adbokasiya sa sektor kan edukasyon.
