Pinahimutikan asin kinondenar kan Armed Forces of the Philippines an mga malisyosong akusasyon dapit sa suboot ₱15 bilyong military ghost projects” puon 2023 hasta 2025.
Segun ki AFP Public Affairs Office (PAO) Chief Col. Xerxes Trinidad, anas kautikan an mga alegasyon na obheto sanang rauton an institusyon.
Nilinaw ni Trinidad na wara ining pigpapaotob o pigpopondohan na anuman na proyektong imprastruktura.
Segun sa opisyal na an gabos na pasilidad-militar sa irarom kan programang Tatag ng Imprastraktura para sa Kapayapaan at Seguridad (TIKAS) an pigpopondohan asin pigi-implementar kan Department of Public Works and Highways (DPWH).
Alagad an AFP an nagrerekomendar kan mga proyekto basado sa operational needs siring kan barracks, training facilities, asin headquarters, direkta na pigtatao an pondo sa DPWH.
An AFP suboot an nagreresibe sana kan natapos na proyekto asin bako imbwelto sa proseso kan procurement, engineering, o auditing.
