Mahigot na pigbabantayan kan Armed Forces of the Philippines (AFP) an 403 na ciudad asin munisipyo na ipigdeklarang ‘areas of concern’ ngunyan na eleksyon.
Pigtaram ni AFP spokesman Col. Francel Margareth Padilla na sa 403 ‘areas of concern’ igwa nin 188 an nasa yellow category, 177 an orange asin 38 an nasa red category.
An mga lugar na isinairarom sa yellow an may kasaysayan nin election-related na karahasan, an orange an may seryosong armadong huma mantang an pula an may seryosong huma nin karahasan asin may mga insidente nin kariribokan pag may eleksyon.
Tinawan-doon ni Padilla na an nasambit na mga code sa 403 ‘areas of concern’ an maserbing basehan sa deployment kan AFP troops.
Nasa 18,000 AFP personnel an idedeploy para makatabang kan PNP sa pangangataman sa paz y orden sa eleksyon.
Nakaalerto man an AFP sa manlaen-laeng hamon sa seguridad gikan sa gabos na mga armadong grupo siring kan New People’s Army (NPA), Private Armed Groups (PAGS), rido asin iba pa.
 is closely monitoring the 403 cities and municipalities that have been declared 'areas of concern' this election.){kind=link}