LEGAZPI CITY- Nakapagrehistro na nin labi sa P1 billion na danyos an abaca industry sa Catanduanes huli sa pangrarapado kan bagyong Pepito.
Sa intrevista kan Bombo Radyo Legazpi kay PHILFIDA Catanduanes Provincial Fiber Officer Bert Lusuegro, matinding dagok ngunyan an tuminama para sa mga abacaleros na pigbabalo pang isalbar an saindang mga pananom.
Sa kabilugan uminabot na sa P1,155,174,480 an danyos sa sektor kan abaca kaya pinag-aantisiparan na mahahalutan antes dagos na maka-recover an industriya.
Naglalaom man an opisyal na marikas maipapaabot an pondo na kinakaipuhan kan mga abaca farmers.
Sa presente, sinabi ni Lusuegro na pinaghahanda na man an cash for work asin iba pang programa bilang alernatibong mapagkakakitaan kan mga apektadong paraoma.
