Ipinag-orgulyo ni Pangulong Ferdinand Marcos Jr. an mga konkretong resulta kan saiyang pag-atendir sa 33rd APEC Economic Leaders’ Meeting sa Shenzhen, China.
Kabali sa saiyang mga isinusulong an malayang kalakalan, ligtas na supply chain, asin mas dakol na oportunidad para sa mga Pilipino.
Hinimok man kan Pangulo an mga nasyon na kasapi kan APEC na midbidon an edukasyon asin propesyonal na kwalipikasyon kan mga Pilipino tanganing mas mapadali an saindang pagtrabaho sa ibang nasyon.
Pigdoon man niya an importansya kan pagsuporta sa saradit asin katamtamang negosyo o MSMEs, pagmukna nin trabaho, asin pagbukas nin bagong merkado para sa mga produkto asin serbisyong Pilipino.
Saro sa mga importanteng resulta kan saiyang pagbisita an kasunduan sa kalakalan kan Pilipinas asin Chile, asin an nakua na P41.1 bilyong investment pledges hale sa mga kumpanyang Tsino na posibleng makagibo nin labi 7,000 trabaho para sa mga Pilipino.











