LEGAZPI CITY-Magsasagibo nin personal asin online forum an mga miyembro kan National Union of Journalists of the Philippines (NUJP) Albay Chapter bilang pagkomemor sa 2009 Ampatuan Massacre.
Segun kay NUJP Albay Chapter member Reynard Magtoto, sa intrevista kan intrevista kan Bombo Radyo Legazpi na pago-orolayan digdi an mga presenteng update sa kaso kan nangyari sa Ampatuan Massacre.
Mantang nagsagibo na nin mga hiro protesta, maglalansar man nin forum bileng komemorasyon kan mga estudyante asin campus journalist sa provincia, magin sa national capital region.
Sagkod ngonian, segun kay Magtoto, bitbit man giraray kan mga estudyante an adal mapadapit sa nangyaring Maguindanao massacre.
Tinawan doon niya na hasta sa presente, dakol man liwat na mga naha-harass na media, sa pag-cover sa mga protesta asin nawawaran nin kalayaan an mga mamamahayag.
Kun kaya mas naghe-hewas suboot an mga organisasyon asin padagos an pangapudan para sa “press freedom” sa nacion.
Dugang pa niya, na kung wara an mga mamamahayag, warang katotoohang maibabareta sa satuyang nacion.











