November inflation
November inflation

LEGAZPI CITY-Nangapudan an mga kongresista sa Kongreso na tulos ipasar an propwestong ley na magtataong tax relief sa mga obrero asin saradit na negosyo sa tahaw kan padagos na paglangkaw kan presyo kan mga barakalon.

Kaiba sa propwesto an paglanglaw kan income tax exemption poon P250,000 hasta P450,000 kada taon asin paghale sa 2% Minimum Corporate Income Tax (MCIT) para sa micro, small, and medium enterprises.

Makakatabang suboot ini ngani mabawasan an gastos kan mga pamilya asin mapagian an pasanon kan mga saradit na negosyo, orog na nagpakol sa 7.8% an inflation kan Oktubre.

An presenteng P250,000 income tax exemption, itinalaan kan 2017 sa irarom kan TRAIN Law.

Alagad, huli sa paglangkaw kan presyo, bakong bastante ini ngani maprotehiran an mga obrero asin pamilyang igwang hababa asin katamtamang ganansya.