President Ferdinand Marcos Jr.

Saro sa ipig-oorgulyo na legasiya ni Presidente Ferdinand Marcos Jr. sa pagtatapos kan pamamayo kan Pilipinas bilang tagapamayo kan ASEAN ngunyan na 2026 an pagbusol asin pagsasapinal kan Digital Economy Framework Agreement o DEFA.

Segun sa Presidente na dae ini biglaan na napagdesisyunan, kundi resulta kan nagkapirang bulan na preparasyon, konsultasyon, asin pag-oolay kaibanan an mga nacion na miyembro kan ASEAN puon kan Enero ngunyan na taon.

Tinawan duon man ni Marcos na an pagiging bukas kan mga miyembrong nacion sa pagbilog kan sarong kasunduan na magtatalaan kan saindang papel asin ambag sa rehiyon.

Obheto kan nasabing kasunduan na pakusugon an pagtatabangan kan ASEAN, kaibanan an pagpaparahay kan enerhiya, paglipat sa renewable energy, paghahanda sa posibleng krisis sa langis, asin pagpapakusog kan suplay nin pagkaon.

Para ki Presidente Marcos, importante an pagkakasararo asin koordinasyon kan mga nacion ngani na makabilog nin kongkretong lakdang para sa panghaluyan na pagtalubo kan rehiyon.