LEGAZPI CITY-Kinondena kan grupo nin mga kababaihan an pag-aresto sa mga raliyista asin pagigin brutal sa mga nagsasagibo nin hiro protesta sa nacion.

Ini sa tahaw kan pag-abot ni US President Donald sa nacion, kun sain isinagibo an 49th ASEAN Summit.

Segun ki Bicolana Gabriela Spokesperson Jen Nagrampa, sa intrevista kan Bombo Radyo Legazpi, na ikinadagit ninda an nangyari sa panahon nin mga paghiro mantang malinaw an obheto asin pangapudan sa gobierno, orog na mapadapit sa Pax Silica asin pag-abot ni Trump sa nacion.

Sinabi pa niya na ngonian an tamang panahon ngani magkondusir nin mga hiro protesta asin ibuyagyag an totoong problema kan nacion, mantang yaon an mga lideres sa kinaban.

Dugang pa kaini, ini dapat an pag-olayan kan mga lideres, orog na an tamang pasahod sa mga obrero, pagtugon sa problema kan mga namamanwaan, asin an malayang kalakalan sa nacion.

Inapod man niyang hipokrito an gobierno, huli sa pagtaklob kan mga maating kanal, yero, squatter, asin iba pang lugar sa Pilipinas para sa ASEAN Summit.

Nangapudan man an grupo na palayaon na an mga inarestar na mga raliyista, mantang malinaw an saindang pagtutol, siring man an mga katutubo na nagsagibo na nin mga paghiro para sa nacion.