LEGAZPI CITY – Piglinaw ni Political Analyst Prof. Antonio Contreras na maski libre an pag-rally sa sarong demokratikong nasyon, igwa man ining limitasyon segun sa batas.
Segun sa saiya, an Batas Pambansa 880 o Public Assembly Act of 1985 an nagbuboot na kaipuhan nin permit asin igwang itinalagang lugar sana para sa pagtitipon.
Kun wara nin permit, pwedesir sanang i-dispersar kan mga awtoridad an rally, alagad dai sinda pwedesir mag-aresto sana nin maski siisay.
Pigpaliwanag niya na segun sa ley, an mga lider sana an pwedesir arestohon kun magpirit na dai mag-dispersar, mantang an mga simpleng partisipante dai dapat dakopon kun wara nin indibidwal na pagbalgar sa ley.
Pigduon man niya na kaipuhan na sabihon kun ano an kaso kan kada saro, bako an sabihon na gabos na nag-iba sa rally awtomatikong naaresto.
Pigtawan-doon pa niya na an mga naaresto igwang karapatan na magkaigwa nin abogado asin makipag-olay sa saindang magurang o pamilya.
Nangapodan man ini sa mga raliyista asin kapulisan sa saindang obligasyon na sunudon an limitasyon na itinao kan ley.











