
Tinamaan sa pandok nin sarong rosaryo si Pope Leo XIV mantang nakasakay sa saiyang popemobile asin nagbabati sa mga tawo na naghahalat sa saiya sa Lima, Peru.
Nangyari an insidente kan Lunes, Nobyembre 16, mantang pasiring an Santo Papa sa saiyang farewell Mass sa Las Palmas Air Base bilang parte kan pagtatapos kan saiyang 12-aldaw na pagbisita sa South America.
Basado sa video kan pangyayari, sarong bagay na pigtutubodang rosaryo an itinapok hali sa kadaklan asin tuminama sa parte kan pandok kan Santo Papa, harani sa saiyang toong mata.
Mahihiling man na napangiwi si Pope Leo asin kinapotan an saiyang pandok matapos tamaan.
Alagad, nagpadagos siya sa pagbati sa mga deboto asin ipigdagos an nakatakdang misa.
Wara man nin nairehistro na grabeng lugad sa Santo Papa huli sa insidente.









