LEGAZPI CITY- Nagpahayag nin kahandaan an Sorsogon Provincial Disaster Risk Reduction and Management Office sa posibleng biglaan na aktibidad kan Bulusan volcano kasunod kan nairehistrong paglangkaw kan sulfur dioxide emmission.
Segun ki Sorsogon PDRRMO head Engr. Raden Dimaano na nagtetenir an saindang alerto huli ta nasa alert level 1 an bulkang Bulusan.
Napag-araman na an gabos na response unit an nagtetenir na nakahanda, kaibanan an mga lokal na gobierbo, Bureau of Fire Protection, Philippine National Police, mga barangay, non-government organizations, asin iba pang ahensya.
Pinakatututukan an sitwasyon sa pinakaharaning mga lugar, partikular an posibleng nanonotaran na abnormalidad o parong nina supre hali sa bulkan.
Sinabi ni Dimaano na may naka preposition man sinda ngunyan na mga face mask ngani na marikas na maipanaao enkasong magputok an bulkan.
Dagdag pa kan opisyal na ugali na kan sarong aktibong bulkan na maski nasa alert level zero an dae nahahali an posibilidad nin pagputok kaya dae nawawara an kahandaan.











