Target kan gobierno na mapababa an ipinataw na taripa kan Estados Unidos sa mga produktong Pilipino sa nakatalaang pag-oolay ninda Presidente Ferdinand Marcos Jr. asin US President Donald Trump sa Miyerkules, Nobyembre 18.

Segun ki Trade Secretary Cristina Roque, kabale sa mga pangenot na itutukar kan duwang lider ang 12.5% tariff na ipinataw kan Washington sa mga produktong iniluluwas kan Pilipinas sa US.

Sinabi ni Roque na mawot kan gobierno na mapababa an nasabing taripa nganing mas mapahewas an exports kan nacion bako sana sa merkado kan Amerika kundi magin sa iba pang pankinabang merkado.

Obheto man nindang mapakusog an kakayahan kan mga produktong Pilipino na makipagsabayan sa international market.

Magigiromdomang ikinonektar kan Estados Unidos an pagpataw nin taripa sa suboot kabiguan kan Pilipinas na bastante na matugunan ang paglaog kan mga produktong ginibo gamit ang sapiritang paggibo o forced labor.

Katakod kaini, inihayag ni Roque na naipaabot na sa lado kan US ang Joint Administrative Order (JAO) kan gobierno na obhetong simbagan an mga nasabing concerns.

Naglalaom an kalihim na magiging parte ini kan pagtukar sa posibleng pagbabago sa umiiral na taripa.

Mientrastanto, piglalaomang maabot sa Maynila si Trump ngunyan na Martes, Nobyembre 17, kasunod kan saiyang pag-atendir sa mga pangenot na aktibidad kan ASEAN Summit asin antes an nakatalaang bilateral meeting ninda ni Marcos.