Uminabot na sa P435 milyon an kabilogang pondo asin tabang na ipigheras kan Sugar Regulatory Administration (SRA) sa mga paraoma asin obrero na sinalanta kan red-striped soft scale insect (RSSI) infestation.

Segun ki SRA Administrator Pablo Luiz Azcona, nakaresibe an kada apektadong obrero asin paraoma nin tig-P10,000 na tabang pinansyal.

Katabang an Department of Agriculture (DA), naglaan man an ahensya nin P35 milyon para sa mga lokal na pamahalaan tanganing ipambakal nin pangadan-peste asin biological control agents.

Katuyuhan kan mga pondong ini na direktang matabangan an sektor kan agrikultura na puksaon an mga peste na nagrararaot sa mga pananom na tubo sa nasyon.

Segun pa sa SRA, dakula an naging tabang kan mga lakdang na ini tanganing mamantenir an marhay na dalagan asin presyuhan kan asukar sa merkado.