LEGAZPI CITY-Nagsaggibo an Bureau of Fire Protection Region 5 (BFP) nin Fire Basic Recruitment Course sa National Fire Training Institute-Satellite Campus sa Tuburan, Ligao, City para sa pagprepar kan mga bagong BFP trainees na iyo an mga Fire Officer 1 sa tunay na serbisyo publiko sa paagi kan academic, physical, asin field training.
Kaiba digdi an mga classroom modules, practical drills, asin field exercises sa irarom kan paggiya kan mga trained instructor.
Kabale sa isinaggibong Fire Trainings and Simulation Drills ngonian na aldaw an Fire Suppression & Fire Call Drills, Rope Rescue Training Operations, Fire Extinguisher & Safety Training asin an iba pa.
Mapadagos an naunambitan na training sa laog kan anom na bulan. (via 𝗕𝗼𝗺𝗯𝗼 𝗥𝗮𝘀𝗵𝗶 𝗔𝗿𝗰𝗶𝗴𝗮)
