Ipighayag ni US President Donald Trump na iniimbestigaran na kan FBI an relasyon ni Nvidia CEO Jensen Huang sa sarong babae na pinagtutubudan na Chinese intelligence asset.
Segun ni Trump, naka-olay niya si Huang kan Lunes asin itinanggi kan CEO na igwa siyang kaaraman na espiya an babaeng si Alice Huang.
Si Alice Huang an dating executive kan Singapore-based Megaspeed asin pinagtutubudan na nagtitipon nin impormasyon para sa Beijing.
Huli sa isyu, buminagsak nin 4.3 percent an shares kan Nvidia kan Lunes asin nawara an nasa 190 billion dollars sa market value kaini.
Naglunsar man nin sadiring imbestigasyon an board kan Nvidia tanganing aramon kun target si Huang kan foreign intelligence operation, mantang tinanggi kan China an akusasyon asin pig-apod ining warang basehan.
Nakatalaan man na imbestigaran pa ini kan US Congress tanganing linawon an security protocol kan kumpanya.
