Inakusaran kan France an Islamic Revolutionary Guard Corps (IRGC) kan Iran na nasa likod kan serye nin cyber-attack na nagpalangkaw sa temperatura sa mga refrigerator asin freezer sa mga supermarket sa bilog na nacion kan nakalihis na bulan.
Segun ki French Foreign Minister Jean-Noël Barrot, an nasabing pag-atake an pigkokunsiderar na “unprecedented in both its scale and its level of aggression,” kasabay kan patanid na papatawan nin sanctions an mga may paninimbagan sa insidente.
Tinawan duon pa kan ministro na ini an pinaka enot na mahewasan na cyber-attack na nakatutok sa pag-sabotahe sa saindang pambansang teritoryo, rason ngani na ipaapod kan gobierno kan France an mga ambassador kan Iran sa Paris ngani na ipaabot an saiyang matinding protesta kontra sa seryosong aksyon na ini.
Napag-araman na kan Oktubre 11, nakuwa kan mga hacker an kontrol sa software na nagresulta sa mga cooling unit sa sa labi sa 100 Coopérative U supermarkets asin 180 puwesto kan Intermarché asin Netto, kun sain uminabot sa 50°C an init kan nagkapirang freezer overnight na nagkawsa nin pagkaraot kan dakol na toneladang frozen food.
Mientras tanto, nagbukas na nin imbestigasyon an prosecutor kan Paris kontra sa pamayo kan offensive cyber unit kan IRGC na bisto bilang Shahid Kaveh asin duwa kaining representante, mantang sinayumahan an nagkapirang Iranian media outlets an mga alegasyon asin inapod ining warang basehan.
