Ipigdoon kan sarong opisyal kan House Committee on Appropriations na dae namulitika ang Kamara sa pagbiloog nin bersyon kaini kan propwestong 2027 national budget asin nakabatay sana suboot ini sa pangangaipuhan kan mga komunidad.
Segun ki Bataan 2nd District Representative Albert Garcia, lehitimo mga pagbabagong ginibo kan Kamara sa panukalang budget huli gikan an mga ini sa mga kahagadan kan manlaen-laeng ahensya asin lokal na gobierno sa irarom kan bottom-up budgeting.
Pinahimutikan man ni Garcia ang alegasyon na nag-abot sa sarong trilyong piso an mga insertion sa panukalang budget, asin pigdoon na warang pork barrel o kuwestiyonableng singit sa bersyon kan Kamara.
Naenot digdi, kinuwestiyon ni House Deputy Minority Leader Antonio Tinio an dakulang pondong itinagama sa pirang district engineering office ng Department of Public Works and Highways (DPWH), kabale an mga distritong sakop kan mga lider kan Kamara.
Kabale sa may pinakadakulang propwestong alokasyon ang Ilocos Norte 1st District na may ₱4.79 bilyon, Nueva Ecija 1st District na ₱3.91 bilyon, Bulacan 2nd District na ₱3.5 bilyon, Isabela 4th District na ₱3.1 bilyon at Metro Manila 3rd District na ₱2.99 bilyon.
Mientrastanto, sinabi ni Garcia na bukas ang Kamara sa mga mungkahing pagbabago ng Senado sa pagtukar kan bicameral conference committee, partikular mga proyektong may kulang na dokumento o bako tamang geotagging.
