LEGAZPI CITY-Dating K-pop artist Gehlee Dangca, asin ngonian rising star na si Gehlee Dangca, nakaresibe nin overwhelming na suporta sa saiyang debut solo single na “Closer,” asin an saiyang official music video na naglagpas na sa 1.4 million views.
Nai-release an saiyang kanta kan Oktubre 23, katuwang an Universal Records Philippines, na iyo an pinaka-enot na track niya bilang solo artist.
Sa presente, nakaagaw nin atensyon si Gehlee sa nangyayaring reality show ngonian, na patok sa mga netizens, kun sain pig-perform niya mismo an saiyang bagong single.
Marurumdumang balik Pinas si Gehlee makalihis an saiyang matrayumpong karera sa South Korea, kan siya mag-audition asin dangan na mag-debut bilang K-pop Idol sa K-pop girl group na “UNIS”, kaiba an saro pang Filipina sa grupo na si Elisia Parmisano.
Makalihis an saiyang pagbabalik sa Pilipinas kan Setyembre, an saiyang karera an pig-manage na kan GLXY Talent Management asin kan Star Horizon TV Production.
