LEGAZPI CITY-Basado sa pagtataya kan sarong Weather Specialist, posibleng maglaog sa Philippine Area of Responsibility (PAR) an Typhoon Cempaka kun magtaas an direksyon kaini asin aapodun ining “Samuel”.
Alagad piglinaw kaini na dae man direktang makakapektar sa nacion an bagyo huli ta piglalaomang magluwas ini sa PAR.
Paliwanag ni Philippine Atmospheric Geophysical and Astronomical Services Administration (PAGASA) Southern Luzon Weather Specialist Dan Dominic Triumfante, sa intrevista kan Bombo Radyo Legazpi, na dae man ini masyadong makakapektar sa nacion, kundi mas laoman an epekto kan Northeast Monsson o Hanging Amihan, partikular sa Northern asin Central Luzon.
Mientras tanto, huring naobserbaran sa rayong 1,450 kilometro sa Silangan Hilagang-silangan ng Extreme Northern Luzon.
May kusog ki paros na 120 km/h asin pagbugso na sagkod sa 150 km/h, mantang naghihiro pa man giraray sa Kanluran Hilagang-kanluran sa rikas na 15 km/h.
Sa ibong kaini, Easterlies naman an makakapektar sa ibang parte kan nacion.
Sa Bicol Region, laoman suboot an maulap asin mga kalat-kalat na pag-uuran asin mga thunderstorms.
