Arestado an sarong lalaki makalihis makumpiskaran nin pigtutubudang liquid marijuana sa Port of Matnog kan Nobyembre 8, 2026.
Nakumpiskar hale sa suspek an sarong gramo nin pigtutubudang ilegal na droga na nagkakantidad nin P1,700. Kabale sa mga nakumpiskang ebidensya an sarong vape cartridge na may dilaw na likido, duwang glass tube na may residue, asin iba pang personal na gamit.
Dinara an suspek asin an mga nakumpiskang gamit sa himpilan kan pulisya para sa kadugangang imbestigasyon.
Isasairarom sa laboratory examination ang nakumpiskar na likido nganing maaraman an komposisyon kaini. Posible man mahampang an suspek sa pagbalgar sa Republic Act No. 9165 o Comprehensive Dangerous Drugs Act of 2002.
Padagos na pigpapahigot kan Philippine Ports Authority (PPA) asin an mga katabang na ahensya an seguridad sa mga pantalan nganing malikayan an pagdara nin ilegal na droga asin iba pang kontrabando.
