Nagrikas pa an inflation rate kan nacion kan bulan nin Oktubre, huli sa marikas na paglangkaw kan presyo sa transportasyon, langis asin iba pang gastuson.
An inflation para sa nasabing bulan an nagsakat sa 7.8% hali sa 7.2% kan bulan nin Setyembre.
Segun sa Philippine Statistics Authority na pangenot na nakapag ambag sa halangkaw na antas kan inflation sa bulan nin Oktubre an mas halangkaw na gastos sa transportasyon na nasa 20.1% inflation rate.
AN Transport index an nag-ambag nin 62.9% sa pangkabilugan na inflation.
Nag-ambag man sa mas halangkaw na inflation an gastos sa pabahay, tubig, kuryente, gas.
Mientras tanto, an food inflation man an bahagyang nagbawas na nasa 6.4% hali sa dating 6.8%.
An bagas man an nagtetenir na pinakadakulang contibutor sa pangkabilugan na inflation.
